ပြည်ထောင်စုမြန်မာနိုင်ငံတော်သည် တိုင်းရင်းသားများ နှစ်ပရိစ္ဆေဒရှည်စွာ ဥမကွဲသိုက်မပျက် ပေါင်းစည်းနေထိုင်ကြသော နိုင်ငံဖြစ်သည်။ မြန်မာတိုင်းရင်းသားများသည် အဆင့်အတန်းမြင့်မားပြီး မိမိတို့၏ကိုယ်ပိုင်ယဉ်ကျေးမှုနှင့် အမျိုးဂုဏ်တို့ကို သားစဉ်မြေးဆက် မြတ်နိုးခင်မင်စွာ ထိန်းသိမ်းရင်း အချုပ်အခြာအာဏာပိုင်စိုးမှုကို ကာကွယ်စောင့်ရှောက်ခဲ့သည်။ လွတ်လပ်ရေးကြိုးပမ်းမှုကာလတွင် ပြည်သူများတည်ဆောက်ခဲ့သော မျိုးချစ်တပ်မတော်သည် စတင်သန္ဓေတည်လာခဲ့ရပြီး အခက်အခဲများ ရင်ဆိုင်ကျော်လွှား၍ ပေါက်ဖွားလာခဲ့ရသည်။
လွတ်လပ်ရေးရပြီးကာလ နောက်ပိုင်း၌လည်း တပ်မတော်သည် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးအတွက် အသက်ပေါင်းများစွာ စွန့်လွှတ်ခဲ့ရပေသည်။ လွတ်လပ်ရေးကြိုးပမ်းမှုကာလများတွင် တိုင်းရင်းသားများ၏ ပြောင်မြောက်သည့် နယ်ချဲ့ဆန့်ကျင်ရေး၊ အမျိုးသားလွတ်မြောက်ရေးတိုက်ပွဲများ၌ ထင်ရှားခဲ့သည်။ နိုင်ငံတော်၏ လွတ်လပ်ရေးကို တိုင်းရင်းသားများနှင့်အတူ ရယူခဲ့သော တပ်မတော်သည် ယနေ့ကာလတွင် ရပ်ရွာအေးချမ်းသာယာရေး၊ တရားဥပဒေစိုးမိုးရေးနှင့် ပြည်သူများ၏ အသက်အိုးအိမ်လုံခြုံရေးကို ကာကွယ်စောင့်ရှောက်လျက်ရှိသည်။
မြန်မာ့သမိုင်းကို ပြန်ကြည့်လျှင် တိုင်းရင်းသားများ စည်းလုံးညီညွတ်မှုရှိခဲ့သော ပထမမြန်မာနိုင်ငံတော်၊ ဒုတိယမြန်မာနိုင်ငံတော်နှင့် တတိယမြန်မာနိုင်ငံတော်ဟူ၍ ထည်ဝါခံ့ညားစွာ ရပ်တည်နိုင်ခဲ့သည်။ နယ်ချဲ့တို့သည် တိုင်းရင်းသားစည်းလုံးညီညွတ်ရေး ပျက်ပြားစေရန် နည်းမျိုးစုံဖြင့် ကြံစည်သွေးခွဲ ခြယ်လှယ်ခဲ့ကြသည်။ နိုင်ငံတော်နှင့် နိုင်ငံသားတို့၏သစ္စာကို အမြဲတမ်းစောင့်သိရိုသေပြီး ဒို့တာဝန်အရေးသုံးပါးကို အစဉ်ဦးထိပ်ပန်ဆင်၍ နိုင်ငံတော်အား ကာကွယ်စောင့်ရှောက်နေသော တပ်မတော်သည် အခြားတစ်ဖက်၌ နိုင်ငံတော်ဖွံ့ဖြိုးတိုးတက်မှုများတွင် စွမ်းစွမ်းတမံ ပါဝင်ဖြည့်ဆည်းပေးလျက်ရှိသည်။
သို့ဖြစ်ပေရာ သမိုင်းအစဉ်အလာကြီးမားသော တပ်မတော်သည် စိတ်ဓာတ်၊ စည်းကမ်း၊ သစ္စာစသည့် အခြေခံအရည်အချင်းနှင့် ပြည့်စုံနေစေရေး အစဉ်လေ့ကျင့်ကြိုးပမ်းလျက်ရှိပြီး နိုင်ငံတော်၏ ပိုင်နက်နယ်နိမိတ် အချုပ်အခြာအာဏာတည်မြဲရေးကို ကာကွယ်စောင့်ရှောက်လျက်ရှိရာ တိုင်းရင်းသားပြည်သူများက ပါဝင်လက်တွဲ ကြိုးပမ်းသွားကြရမည်ဖြစ်ပါကြောင်း ရေးသားလိုက်ရပါသည်။