မြန်မာနိုင်ငံသည် ပထ၀ီအနေအထားအရ မြစ်ချောင်း၊ တောင်တန်း၊ ချိုင့်ဝှမ်း ၊လျှိုမြောင် ၊ မြစ်ဝှမ်းလွင်ပြင် နှင့် ကုန်းမြင့်ဒေသများ ရောပြွန်းတည်ရှိနေသည်။ ယခုအခါ နိုင်ငံတော်အစိုးရနှင့် တိုင်းရင်းသား ပြည်သူတို့၏ စွမ်းပကားဖြင့် သဘာဝအတား အစီးများကို ကျြော်ဖတ်ကာ လမ်း၊တံတားပေါင်း များစွားကို ဖောက်လုပ်တည်ဆောက်နိုင်ပြီ ဖြစ်ရာ ဒေသတစ်ခုနှင့် တစ်ခု လွယ်လင့်တကူ ဆက်သွယ်သွားလာနိုင်လျက်ရှိသည်။
ဧရာဝတီတိုင်းသည် ယခင်ကာလက ရေလမ်းကိုသာ အဓိကအားကိုးခဲ့ရသဖြင့် သွားရေးလာရေးတွင် နှောင့်နှေးကြန့်ကြာခဲ့ရသည်။ ယနေ့ကာလတွင် ဧရာဝတီတိုင်းသည် တိုးချဲ့တည်ဆောက်ထားသော လမ်း၊တံတားပေါင်း များစွာတို့၏ အကျိုးပြုမှုကြောင့် ဒေသ၏ စီးပွားရေး၊ ကုန်သွယ်ရေး ၊ လူမှုရေး အခြေအနေများ ပြောင်းလဲတိုးတက်လာနေပြီ ဖြစ်သည်။
(၆၄) နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ဧရာဝတီတိုင်း ဟင်္သာတခရိုင် အင်္ဂပူမြို့နယ် င၀န်တံတား(မြို့ကွင်း) ကို မတ်၂၁၇က်က ဖွင့်လှစ် လိုက်သည်။ အဆိုပါတံတား ဖွင့်လှစ်လိုက်သည့်အတွက် ဟင်္သာတ၊ အင်္ဂပူ၊ မြန်အောင်၊ ကြံခင်းနှင့် လေးမျက်နှာမြို့နယ်တို့မှ တန်၆၀ယာဉ်များ လွယ်ကူစွာ ဖြတ်သန်းသွားလာနိုင်ကြပြီ ဖြစ်သည်။
ထို့အပြင် င၀န်တံတား (မြို့ကွင်း)မှတစ်ဆင့် ပုသိမ်-မုံရွာလမ်းပေါ်ရှိ ကွင်းကောက်၊ ငါးသိုင်းချောင်း ၊ ရေကြည်မှတစ်ဆင့် ပုသိမ်မြို့အထိလည်းကောင်း၊ ဘက်ရဲ-ဥသျှစ်ပင်မှ တစ်ဆင့် အမ်း-စစ်တွေအထိလည်းကောင်း ၊ ပဒါန်း-ကန်စွန်းမမှ တစ်ဆင့် မုံရွာမြို့အထိလည်းကောင်း ဆက်သွယ်သွားလာနိုင်မည် ဖြစ်သည်။ င၀န်တံတား (မြို့ကွင်း) သည် ဧရာဝတီတိုင်းအတွင်း တည်ဆောက်ပေးထားသည့် ၄၅စင်းမြောက် တံတားဖြစ်ပြီး ဆောက်လုပ်ရေးဝန်ကြီးဌာနက နိုင်ငံတစ်ဝန်းတည်ဆောက်ပေးထားသည့် ပေ၁၈၀နှင့်အထက် တံတားကြီးများအနက် အစင်း ၂၂၀မြောက် တံတားဖြစ်သည်။
ဧရာဝတီတိုင်းသည် ရေ၊မြေသယံဇာတကြွယ်ဝသဖြင့် စပါး၊ မတ်ပဲ ၊ ပဲတီစိမ်း၊ ပဲအမျိုးမျိုးနှင့်ဆီထွက် သီးနှံများ စိုက်ပျိုးဖြစ်ထွန်းသည်။ ငါး၊ ပုဇွန်မွေးမြူရေးများ တိုးချဲ့လုပ်ကိုင်နိုင်ပြီး သား၊ငါးမွေးမြူထုတ်လုပ်မှု တိုးတက်လျက်ရှိသည်။ နိုင်ငံတော်အစိုးရက ဒေသဖွံကဖြိုးတိုးတက်မှု၏ အဓိကဖြစ်သည့် လမ်းပန်းဆက်သွယ်မှု ချောမွေ့ကောင်းမွန်စေရန် လမ်း၊ တံတားအခြေခံများကို တိုးချဲ့တည်ဆောက် ပေးလျက်ရှိရာ ဒေသဆိုင်ရာ အဖွဲ့အစည်းများနှင့် တိုင်းရင်းသား ပြည်သူများ၏ပေါင်းစည်း ညီညွတ်သော အင်အားဖြင့် အမျိုးသားစီးပွားရေး မြင့်မားတိုးတက်စေရန် ကြိုးပမ်းစွမ်းဆောင် သွားကြရမည် ဖြစ်ပါသည်။