မီးဘေးအန္တရာယ်သည် ပူပြင်းခြောက်သွေ့သော ရာသီများတွင် ပိုမိုဖြစ်ပွားနိုင်သဖြင့် မြို့နယ်၊ ရပ်ကွက်၊ ကျေးရွာတိုင်းက ကြိုတင်ကာကွယ်ရေးလုပ်ငန်းများကို ဆောင်ရွက်ထားကြရမည် ဖြစ်သည်။ မီးဘေးကြိုတင်ကာကွယ်ရေးလုပ်ငန်းများကို မီးသတ်တပ်ဖွဲ့ဝင်များက ဖော်ဆောင်လျက်ရှိရာ ပြည်သူများအပိုင်းကလည်း သတိပေးနှိုးဆော်ချက်များနှင့်အညီ ဂရုပြုလိုက်နာကြရမည် ဖြစ်သည်။
မီးလောင်မှုဖြစ်ပွားရာတွင် ပေါ့ဆမီးကြောင့် လောင်ကျွမ်းခြင်းသည် အများဆုံးဖြစ်ရာ ပြည်သူတိုင်းက သတိနှင့်ယှဉ်ပြီး အသုံးပြုကြရမည် ဖြစ်သည်။ အထူးသဖြင့် ညနေပိုင်း ထမင်း၊ ဟင်းချက်ချိန်တွင် ကလေးသူငယ်နှင့် သက်ကြီးရွယ်အိုများအား ချက်ပြုတ်ခြင်း မပြုလုပ်စေရေး၊ မီးဖိုသုံးစွဲပြီးပါကလည်း မီးကြွင်းမီးကျန်များ ငြှိမ်းသတ်ထားရေး သတိပေးနှိုးဆော်ချက်များကို လိုက်နာကြရမည်ဖြစ်သည်။ ထို့အပြင် ဖယောင်းတိုင်၊ အမွှေးတိုင်၊ ခြင်ဆေးခွေများကို ထွန်းညှိသုံးစွဲရာတွင် အင်တုံများ အောက်ခံထား၍ အသုံးပြုကြခြင်းဖြင့် အခင်းပေါ်သို့လဲကျ မီးလောင်ခြင်းများမှ ကာကွယ်နိုင်မည်ဖြစ်သည်။
ပြည်သူများအနေဖြင့် အဆောက်အအုံတိုင်း၊ နေအိမ်တိုင်းတွင် မီးဘေးကြိုတင်ကာကွယ်ရေးအတွက် မီးသတ်ဆေးဘူး၊ မီးချိတ်၊ မီးကပ်၊ ရေပုံး၊ သဲပုံးများ အသင့်ထားရှိခြင်း၊ ရပ်ကွက်အလိုက် မီးကင်းများ စနစ်တကျချထားခြင်း၊ မီးသတ်တပ်ဖွဲ့က တစ်အိမ်တက်ဆင်း စစ်ဆေးသည့်အခါ ပါဝင်ကူညီခြင်း၊ စစ်ဆေးမေးမြန်းရာတွင် ဖြေကြားရှင်းလင်းပေးခြင်း၊ ပေးသည့်အကြံဥာဏ်များကို လိုက်နာခြင်းတို့ဖြင့် ပါဝင်ကူညီကြရမည်ဖြစ်သည်။
မြို့နယ်၊ ရပ်ကွက်၊ ကျေးရွာ၊ ဈေးတိုင်းတွင် မီးငြှိမ်းသတ်ရေးအတွက် ရေဂါလန်၅၀၀၀ဆံ့ အုတ်ရေကန်များ တည်ဆောက်၍ အချိန်ပြည့်ရေဖြည့်ထားခြင်း၊ မြို့ရွာပတ်ဝန်းကျင် သန့်ရှင်းရေးနှင့် ယာဉ်များလွယ်ကူစွာ ဝင်ထွက်သွားလာနိုင်ရေးတို့ကိုလည်း စီစဉ်ထားရှိရန် လိုအပ်မည်ဖြစ်သည်။ ထို့အပြင် မီးသတ်ယာဉ်၊ စက်များအစဉ်အမြဲ ကောင်းမွန်နေစေရန် စစ်ဆေးပြုပြင်ခြင်း၊ စေတနာရှင်များက ပါဝင်လှူဒါန်းခြင်းတို့ဖြင့်လည်း ပံ့ပိုးပေးကြရမည်ဖြစ်သည်။
မတော်တဆ မီးလောင်မှုဖြစ်ပွားပါက အနီးဆုံးမီးသတ်စခန်းသို့ အမြန်ဆုံးသတင်းပို့ခြင်း၊ မီးသတ်စက်များ မရောက်လာမီ ရေပုံးများ၊ ရရာပစ္စည်းများ အသုံးပြု၍ ငြှိမ်းသတ်ခြင်းတို့ဖြင့် ဝိုင်းဝန်း ကူညီဆောင်ရွက်ကြရမည် ဖြစ်သည်။
မီးသည်သုံးတတ်လျှင်မိတ်ဆွေ၊ မသုံးတတ်လျှင် ရန်သူဖြစ်ရာ ပြည်သူတိုင်းက မီးကိုပေါ့ပေါ့ဆဆ ကိုင်တွယ်အသုံးမပြုကြဘဲ မီးဘေးကြိုတင်ကာကွယ်ရေးနှင့် မီးငြှိမ်းသတ်ရေးလုပ်ငန်း နှိုးဆော်ချက်များနှင့်အညီ ဂရုပြုလိုက်နာ ဆောင်ရွက်ကြခြင်းဖြင့် မီးဘေးအန္တရာယ်ကို ကြိုတင်ကာကွယ် တားဆီးနိုင်ကြမည်ဖြစ်ပါသည်။