ဒို့မြင်တယ်....ဒို့သိတယ်

မြန်မာ့စက်မှုလက်မှု ဖွံဖြိုးတိုးတက်ရေးကော်မတီ ဥက္ကဋ္ဌ အမှတ်(၁)စက်မှုဝန်ကြီးဌာန ၀န်ကြီး ဦးအောင်သောင်းသည် ယမန်နေ့ နံနက် ၉ နာရီက ရွှေပြည်သာ စက်မှုဇုန်(၃)ရှိ Myanmar Lighting Manufacturing ကုမ္ပဏီလီမိတက်၌ ဂျပန်နိုင်ငံ၏ အဆင့်မြင့်နည်းပညာကို အသုံးပြု၍ လေးပေ၊ နှစ်ပေ လျှပ်စစ်မီးချောင်းထုတ်လုပ်မှု အဆင့်ဆင့်ကို ကြည့်ရှုစစ်ဆေးသည်။

ဆက်လက်၍ ၀န်ကြီးသည် ရွှေပြည်သာ စက်မှုဇုန်(၃)ရှိ ရွှေရည်စံပယ် အ၀တ်အထည်ထုတ်လုပ်ရေး ကုမ္ပဏီ လီမိတက် အထည်ချုပ်လုပ်ငန်းနှင့် World Apparel Manufacturing Co.,Ltd. ၏ ပြည်ပပို့ ဂျာကင်နှင့် ရှပ်အင်္ကျီများ ထုတ်လုပ်မှု အခြေအနေတို့ကို ကြည့်ရှုစစ်ဆေးသည်။
ထိုမှတစ်ဆင့် ၀န်ကြီးသည် ရွှေပြည်သာ စက်မှုဇုန်(၁)ရှိ pacific Knitters Co.Ltd. သိုးမွေးဆွယ်တာ ထိုးထည်လုပ်ငန်းနှင့် Yangon Lighting Co.,Ltd. ၏ လျှပ်စစ်မီးချောင်းထုတ်လုပ်မှု လုပ်ငန်းတို့ကို ကြည့်ရှုစစ်ဆေးခဲ့ကြောင်း သတင်းရရှိသည်။