နိုင်ငံတော်အစိုးရသည် မိခင်နှင့် ကလေး စောင့်ရှောက်မှုလုပ်ငန်းကို အလေးပေး ဖော်ဆောင်လျက်ရှိရာ၌ မိခင်နို့တိုက်ကျွေးရေးဆိုင်ရာ အမျိုးသားရေးမူဝါဒကို ချမှတ် အကောင်အထည်ဖော်လျက်ရှိသည်။
မိခင်များ၊ မွေးကင်းစနှင့် တစ်နှစ်အောက်ကလေးအပါအ၀င် ရောဂါဖြစ်ပွားမှုနှင့် သေဆုံးမှုများကို လျှော့ချနိုင်ရန် ရည်ရွယ်၍ မိခင်နှင့် ကလေး မွေးကင်းစအပါအ၀င် ကျန်းမာရေး စောင့်ရှောက်မှု လုပ်ငန်းများကို အမျိုးသားကျန်းမာရေးစီမံကိန်းတွင် ဦးစားပေးကဏ္ဍအဖြစ် အကောင်အထည်ဖော်လျက်ရှိသည်။
နိုင်ငံတစ်ဝန်းလုံးရှိ် မိခင်များအနက် ကျေးရွာများရှိ မိခင်များက ရာခိုင်နှုန်းပြည့် မိခင်နို့ချိုတိုက်ကျွေးကြသည်။ သို့သော် မိခင်အများစုသည် မိမိတို့ ရင်သွေးငယ်များအား နို့ချိုတိုက်ကျွေးရာတွင် နည်းလမ်းမမှန်ကန်ခြင်း၊ စနစ်မကျခြင်း၊ မဆီလျော်သော အယူအဆနှင့် အစဉ်အလာဟောင်းများကို လက်ခံကျင့်သုံးခြင်း စသည်တို့ကို ပြုမူ ဆောင်ရွက်လျက် ရှိပေသည်။
ယင်းအပြုအမှုများကြောင့် ကလေးငယ်များတွင် အာဟာရဓာတ် မပြည့်ဝခြင်း၊ ၀မ်းပျက် ၀မ်းလျှောရောဂါဖြစ်ခြင်းနှင့် ကိုယ်နှင့်စိတ် ဖွံ့ဖြိုးမှု စံချိန်မမီခြင်း စသည့် ဆိုးကျိုးများကို ခံစားကြရသည်။
မြန်မာနိုင်ငံရှိ မိခင်များသည် ကလေးများကို မွေးကင်းစမှစ၍ စနစ်တကျ နို့ချိုတိုက်ကျွေး ခြင်းဖြင့် ကလေးများ ရှင်သန်ရေး၊ ကာကွယ်စောင့်ရှောက်ရေးနှင့် ဖွံ့ဖြိုးတိုးတက်ရေး ဟူသည့် အကြောင်းအချက်များကို ခံစားရရှိနိုင်ကြမည် ဖြစ်သည်။
ယင်းတို့ကြောင့် မိခင်များ ကိုယ်ဝန်ဆောင်စဉ် မိခင်နို့ စနစ်တကျ တိုက်ကျွေးနည်းများနှင့် မွေးဖွားပြီး နာရီဝက်အတွင်း ကလေးငယ်ကို မိခင်နို့ အစောဆုံးတိုက်ကျွေးရန်တို့ကို မိခင်တိုင်းက လိုက်နာဆောင်ရွက်ရန် စည်းရုံး ဆောင်ရွက်သွားကြရမည် ဖြစ်သည်။